曾經內地有位小學雞講過：我的志願係做貪官。香港仲叫做有ICAC，所以我話，我的志願當然係做膠官。
上一代會話識得揀，一定要考政府工。以前以為正苦工好悶，咪搞，後來先發覺我俾班唔想有人同佢爭做正苦工嘅人洗腦。做正苦工起薪唔係好吸引，咪同普通文員差唔多，但人地有point跳，出面加個少少就好似恩賜，然後唔夠人又唔請，一味係公司儲空櫈。
做得正苦工就一定要向上爬，要做膠官，當你係職場打份牛工，然後發現個班超級中產膠官嘅年薪高過你月薪，佢嘅年薪先夠俾六百萬上車盤嘅首期。由今日開始，你應該決心做個膠官，膠官最重要係真心膠，只要按本子辦事，面皮成丈厚，一切以阿爺為首。俾人鬧下又點，你月薪係係佢地年薪喎，呢班人眼紅同仇富啫，不值一提。
如果太遲入職都唔怕，即刻加入民賤聯，記住係民賤聯，千其唔好去錯白鴿黨，個邊無做到五十都無得你玩，民賤聯好，錢多，大把錢俾你做街坊福利，爭取個上蓋，然後再做廿幾三十個banner貼晒成條村，做幾年屋村社區野，可以挑戰下做立會議員，唔差，都有廿幾萬一個月，一般OL年薪都無咁多，又可以話悶唔開會。就算去開會都可以照上facebook，睇相，只要識揀啱用嘅保護貼。 但要做都唔好揀議員助理入手，一萬幾千做到死，但你個阿頭月薪多過你兩年年薪，仲要係part time咋喎，街坊有咩投訴咪又係鬧左你先。
決定左喇，即使做唔成膠官都要hea做議員！！