近日很多一句激死某某工作的group
自稱是個業餘手作人，聽過很多唔知好嬲定好笑的話，有令人無奈、有令人苦笑
或許曾經有生氣過幾秒，更多的是「你理得我」，又或是一笑置之
以下的話都是親耳聽到的話
－其實你擺呢啲圍唔圍到皮架？ （你理得我）
－其實你整埋咁多，有冇人買架？
－你整嚟做咩？
－有咩人會買架？
－嘩！熱死辣辣仲去室外擺？ （係呀，我去減肥）
－你咁得閒嘅？ （關你咩事）
－貼錢你仲擺？！ （你理得我）
－嘩，咁貴！（你知唔知咩係最低工資？！）
－女：好想要呀！ 父媽：你覺得值唔值丫？
－媽：你想要咩味（手工皂）？ 女：我要豉油味。
－你整呢個洗唔洗半個鐘？ （我俾一個鐘你應該整唔到。）
－你咁得閒整埋呢啲野。
－呢個好靚呀？幾錢？ （個display 價唔賣架！！） （二手你要唔要？我用過會貴啲架喎）
－（伸手想拎我放枱面個袋仔睇） 我：呢個唔賣架…… 客：下？唔賣架
－有冇得平啲？ （你買多個我可以平俾你嘅……）
－女：我锺意…… （阿媽越叫越走）
－女：好得意呀！ 媽：唔好搞姐姐啲野，姐姐會鬧你架！ （我：我無出過聲！）
－工作人員：今日生意點呀？ （哈哈……你話呢！）
－呢個幾錢呀？ （問完價後）人地個邊點點點，仲平啲喎！
－（拎住舊手工皂睇，同朋友吹水）都係用個幾隻基礎油，我都有整過架 （指指點點完先後）